Ang Tahimik na Paglakas: Bakit Nag-aalala ang China sa Makabagong Hukbong Militar ng Japan, Lampas sa Kanilang Konstitusyong Pangdepensa

Sa balanse ng kapangyarihan sa Asya, kadalasang nasasentro ang usapan sa pagitan ng lumalakas na Tsina at sa patuloy na pagiging aktibo ng Estados Unidos. Ngunit sa likod ng dalawang giant na ito, may isang bansa na tahimik ngunit may malaking impact sa rehiyon: ang Japan.

Bagama’t matapos ang World War II ay ipinataw sa Japan ang isang konstitusyon na naglilimita sa kanilang military sa puro pagdepensa lamang, ang Japanese Self-Defense Force (JSDF) ay unti-unti nang naging isa sa pinakamoderno at advanced na pwersang militar sa mundo—higit pa sa karamihan ng mga bansa na may regular na attacking military. Ito ang malinaw na dahilan kung bakit maingat ang Tsina sa bawat galaw ng Japan at bakit ito tinitingnan bilang isang seryosong kalaban sa Pacific.

Ang tensyon sa pagitan ng Japan at Tsina ay may malalim na kasaysayan, na nagsimula pa noong huling bahagi ng 1800s at lumala noong World War I, na nag-iwan ng milyun-milyong nasawi at matinding pinsala. Ang bigat ng kasaysayan na ito ang nagtutulak sa Tsina na maging mabusisi sa bawat military move ng Japan.

Ang Transformation ng Hukbong Dagat: Carriers at Stealth Submarines
Ang lakas ng Japan ay partikular na nakikita sa Japanese Navy, o Maritime Self-Defense Force. Ang kanilang modernisasyon ay nakasalalay sa tatlong key assets:

1. Ang Rebolusyon ng Carrier: Izumo at Kaga
Ang Japan ay may dalawang malaking barko: ang Izumo at Kaga. Noong una, idineklara ang mga ito bilang helicopter carrier lamang, na ibig sabihin ay hindi ito gagamitin para sa jet fighters. Ngunit sa tahimik na paraan, binago ng Japan ang mga barkong ito:

Pinalakas na Flight Deck: Inayos upang kayanin ang matinding init at puwersa ng modernong jet.

Capacity Upgrade: Binago ang loob para magkaroon ng sapat na lugar para sa mas mabibigat na aircraft, armas, at fuel.

F-35 Capability: Dahil sa mga pagbabagong ito, kaya na ng carrier na magdala ng halos 30 aircraft, kasama na ang F-35 stealth fighters.

Ang transformation na ito ay nagbigay-daan sa Japan na magpalipad ng air power kahit malayo sila sa sariling teritoryo. Ito ay isang napakalaking strategic advantage sa Pacific, lalo na kung may tensyon sa East China Sea.

2. Ang Tahimik na Banta: Lithium Ion Submarines
Ang isa pang dahilan ng pag-aalala ng Tsina ay ang napakalakas na submarino ng Japan. Mayroon silang 22 submarines na hindi lamang marami sa bilang, kundi mataas din ang kalidad:

Sōryū Class: Kilala bilang isa sa pinakatahimik na submarino sa buong mundo, na mahirap ma-detect kahit gumagamit ng modernong sensors ang kalaban. May dala itong mabilis at eksaktong torpedo at anti-ship missiles.

Taigei Class: Ang mas bagong klase ay gumagamit ng lithium ion battery. Ang teknolohiyang ito ay nagpapahintulot sa submarino na mas matagal manatili sa ilalim ng dagat at mas tahimik ang paggalaw. Ito ang uri ng technology na hindi pa kayang gawin ng maraming bansa, na nagbibigay ng mataas na respeto mula sa mga experts.

Para sa Tsina, ang kombinasyon ng tahimik na Sōryū at Taigei submarines ay malaking problema. Ang stealth at difficulty sa pag-detect sa mga ito ay nagdudulot ng stress sa bawat kilos ng Tsina sa karagatan dahil hindi sila sigurado kung kailan o saan manggagaling ang posibleng atake.

3. Ang Utak at Panangga: Aegis Destroyers
Hindi sapat ang submarino para protektahan ang buong bansa. Kaya naman, gumawa ang Japan ng mga destroyer na kayang harapin ang iba’t ibang banta: ang Aegis Destroyer.

Advanced Radar System: Sila ang unang nakakakita ng papalapit na panganib dahil sa kanilang advanced radar system.

Armas: May dala itong Vertical Launch Cells (VLC) na naglalaman ng iba’t ibang uri ng missiles—mula sa ballistic missile interceptors hanggang sa cruise missile at anti-ship missile. Mayroon din silang close range defense at rocket system para sa submarines.

Aegis Command System: Ang pinaka-espesyal ay ang Aegis Command System na nagbibigay sa Japan ng kakayahang mag-track ng maraming target nang sabay-sabay. Kaya nitong tukuyin kung alin ang tunay na banta at magbigay ng tamang counter attack sa loob lamang ng ilang segundo. Sa buong Asya, walang ibang bansa ang may ganitong bilis at katumpakan.

Ang Lakas ng Himpapawid: F-35 Fleet at Ang ‘Eyes of the Pacific’
Ang Japanese Air Force, bagama’t mas maliit sa bilang kumpara sa Tsina, ay isa sa pinakamoderno sa rehiyon.

F-35 Stealth Fighters: Ang Japan ay may higit sa 50 operational F-35 at umorder pa ng higit sa 100 para sa mga susunod na taon. Dahil dito, sila ang may pinakamalaking F-35 fleet sa labas ng Estados Unidos. Ang stealth ng F-35, kasama ang kakayahan nitong magbigay ng realtime information sa command center, ay nagiging mas epektibo ang buong Air Force.

F-15J at F-2 Ship Killers: Sinusuportahan ang F-35 ng upgraded na F-15J at ng Mitsubishi F-2, na ginawa para maging specialized ship killers. Kaya nitong magdala ng mga missiles na tukuyin at palubugin ang malalaking barko ng Tsina mula sa malayong distansya.

Eyes of the Pacific: Hindi dito nagtatapos ang depensa. Mayroon silang malaking radar at sensor network na nakakonekta sa buong Pacific—ang “Eyes of the Pacific.” Ito ang pinaka-advanced na detection system sa Asya dahil kaya nitong makita ang stealth aircraft, missiles, at drone mula sa napakalayong distansya. May nagsasabi na bago pa man makalipad ang isang Chinese J-20, naka-log na ito sa Japanese Command Center.

Sundalo, Tanks, at ang Wall of Missiles
Sa dami, mas maliit ang Japan kumpara sa Tsina na may milyun-milyong sundalo. Ngunit ang bentahe ng Japan ay nasa kalidad at teknolohiya—mayroon silang humigit-kumulang 250,000 active personnel na may high-tech na gamit at intensive training.

Armor Division: Malakas din ang kanilang armor division, kasama ang Type 10 main battle tank na magaan, mabilis, at may advanced fire control system para sa mabundok at masikip na terrain ng Japan.

Wall of Missiles: Sa Timog Japan, mula Kushu hanggang Okinawa, unti-unting nabubuo ang “wall of missiles”—isang depensa na nakatutok laban sa mga agresibong galaw ng Tsina sa Senkaku Islands. Kasama rito ang Type 12 anti-ship missile at ang Patriot Pack 3 bilang huling depensa laban sa ballistic missiles. Pinatitibay pa ito ng US-operated THAAD system.

Sa huli, ang pagiging serious competitor ng Japan ay hindi lamang dahil sa sarili nilang lakas, kundi dahil din sa kanilang matitibay na alyansa sa US, Australia, India, at Pilipinas. Ang pagsasamahin na lakas ng Japan at ng kanilang mga kaalyado ay nagpapakita na hindi basta-basta matitinag ang kanilang depensa.

Ang Japan ay nagpapatunay na ang defense constitution ay hindi hadlang sa pagkakaroon ng advanced at capable na pwersang militar na may malaking deterrent effect sa isang rehiyon na umiinit ang tensyon. Ang kanilang modernisasyon ay nagtatanong sa mga mamamayan: Mas kampante ba tayo sa ideya na may matitibay tayong kaalyado, o mas nakakatakot isipin na lumalakas din ang tensyon sa paligid natin?