Ang Masayang Pagsalubong na Nauwi sa Trahedya

Pebrero 2019, abala ang buong Vietnam sa paghahanda para sa kanilang pinakamahalagang okasyon—ang Lunar New Year o Tet Holiday. Ito ang panahon ng pagsasama-sama ng pamilya, tawanan, at pag-asa para sa bagong taon. Kabilang sa mga umuwi sa kanilang probinsya sa Dien Bien Phu ay si Cao My Duyen, isang 22-anyos na estudyante mula sa Thai Nguyen University of Agriculture and Forestry. Kilala si Duyen bilang isang masayahin, masipag, at mapagmahal na anak. Sa halip na magliwaliw sa kanyang bakasyon, pinili niyang tulungan ang kanyang ina na si Tran Thi Hien sa pagtitinda ng mga manok sa palengke.

Sino ang mag-aakala na ang desisyong ito ang magiging mitsa ng isang bangungot na yumanig hindi lang sa kanilang pamilya, kundi sa buong bansa?

Ang “Order” na Patibong

Noong hapon ng Pebrero 4, isang lalaki ang lumapit sa pwesto nila Duyen. Nagkunwari itong bibili ng maraming manok para sa handaan at kinuha ang numero ng dalaga. Bandang alas-6 ng gabi, tumawag ang lalaki at nag-order ng mga manok na ipapa-deliver sa isang lugar na may kalayuan sa palengke. Dahil nais makabenta at makatulong, agad na sumakay si Duyen sa kanyang Honda Wave na motorsiklo, suot ang kanyang jacket at helmet, dala ang mga manok.

Lumipas ang dalawang oras, hindi na nakabalik si Duyen. Nag-alala ang kanyang pamilya nang hindi na ito matawagan. Pagsapit ng hatinggabi, napalitan ng takot ang pag-asa ng kanyang ina. Agad silang nagtungo sa istasyon ng pulisya upang i-report ang pagkawala ng dalaga.

Daan-daang volunteers at kapulisan ang nagtulong-tulong sa paghahanap. Sinuyod nila ang bawat kalsada, ni-review ang mga CCTV, pero tila naglaho na parang bula si Duyen.

Ang Karumal-dumal na Pagtatagpo

Tatlong araw ang nakalipas, noong Pebrero 7, natagpuan ang motorsiklo ni Duyen sa isang liblib na lugar. Kinabukasan, isang balita ang dumurog sa puso ng marami. Natagpuan na si Duyen—ngunit isa na itong malamig na bangkay.

Nakita ang kanyang katawan sa isang abandonadong kulungan ng baboy malapit sa isang bahay na walang nakatira. Wala na siyang saplot pang-ibaba, at tanging jacket at helmet na lang ang natira sa kanya. Base sa imbestigasyon, may marka ng pagsakal sa kanyang leeg, senyales na p*atay siya sa marahas na paraan. Ang masakit na katotohanan: namatay siya matapos ang matinding pagpapahirap.

Isang babae na nagngangalang Bui Kim Thu ang diumano’y nakakita sa bangkay at nag-report sa mga pulis. Pero habang lumalalim ang imbestigasyon, lumalabas na ang pagkakadiskubreng ito ay bahagi lang pala ng isang malaki at nakakasulasok na drama.

Ang Pag-usad ng Imbestigasyon at ang mga Suspek

Hindi tumigil ang mga otoridad. Gamit ang CCTV footage at masusing imbestigasyon, natunton nila ang unang suspek: si Vuong Van Hung. Siya ang lalaking nag-order ng manok. Sa kanyang pag-amin, sinabi niyang pagnanakaw lang ang motibo, pero hindi kumbinsido ang mga pulis. Bakit iiwan ang motor at hindi ibebenta ang mga manok kung pera lang ang habol?

Dito na nabuksan ang “Pandora’s Box.”

Natuklasan na hindi lang si Hung ang may sala. Isa itong planadong krimen ng isang grupo ng mga drg addct. Kasama niyang nadakip si Bui Van Cong (asawa ng witness na si Kim Thu) at iba pang mga kasamahan.

Ang mas nakakakilabot, inamin ng mga suspek na tatlong araw nilang bihag si Duyen. Sa loob ng mga araw na iyon, paulit-ulit nila itong hinalay at pinagsamantalahan habang siya ay nanghihina. At ang babaeng si Kim Thu? Alam niya ang lahat. Nakita niya ang nakataling biktima sa loob ng kanilang bahay, pero sa halip na tumulong o magsumbong, nanahimik siya. Siya pa mismo ang naglinis sa katawan ni Duyen matapos ang pgsasmantala ng mga lalaki, at siya rin ang nagpanggap na “nakakita” sa bangkay para iligaw ang mga pulis.

Ang Madilim na Lihim ng Ina

Habang umiusad ang kaso, isang tanong ang bumabagabag sa mga imbestigador: Bakit si Cao My Duyen? Wala siyang kaaway. Isa lang siyang estudyante.

Dito na bumaligtad ang mundo ng lahat nang ituro ng mastermind na si Vi Van Toan ang tunay na dahilan: Ang ina ni Duyen na si Tran Thi Hien.

Ayon sa imbestigasyon, si Nanay Tran ay hindi lang simpleng tindera ng manok. Sangkot umano ito sa illegal dr*g trade. May malaking utang na aabot sa 300 million Vietnamese Dong (halos 700,000 pesos) ang ina sa mastermind na si Toan mula pa noong 2009.

Ang pagkidnap kay Duyen ay hindi random. Ito ay planadong resbak at paraan ng paniningil. Bago pinatay ang dalaga, pinapatawagan pa ng mga suspek ang ina para magbayad, pero binalewala umano nito ang banta. Sa harap ng media at social media, umiiyak ang ina at humihingi ng hustisya, nagla-livestream pa habang inililibing ang anak—ngunit sa likod ng camera, alam niya na ang kanyang madilim na transaksyon ang nagpahamak sa sarili niyang dugo at laman.

Hustisya at Aral

Dahil sa bigat ng krimen, mabilis na kumilos ang korte. Anim sa mga suspek, kabilang ang mastermind na si Toan at ang pasimunong si Cong at Hung, ay hinatulan ng parusang kamtyan (Death Penalty). Ang iba naman ay nakulong ng mahabang panahon.

Si Bui Kim Thu, ang asawang kunsintidor, ay nakulong din dahil sa hindi pag-report ng krimen.

At ang ina? Si Tran Thi Hien ay inaresto at hinatulan ng 20 taong pagkakulong dahil sa illegal dr*g trafficking. Hanggang sa huli, itinatanggi niya ang koneksyon niya sa pagkamatay ng anak, pero naging malinaw sa mata ng publiko at ng batas: ang kasakiman sa pera at pagpasok sa ilegal na gawain ay may kapalit na hindi kayang bayaran ng kahit anong halaga—ang buhay ng isang inosente.

Ang kwento ni Cao My Duyen ay isang masakit na paalala sa atin. Minsan, ang mga demonyo ay hindi lang iyong mga nasa lansangan, kundi iyong mga maling desisyon na ginagawa ng mga taong dapat sana ay sandigan ng pamilya. Nawa’y makamit na ni Duyen ang kapayapaan na ipinagkait sa kanya sa lupa.