Isang tahimik na umaga noong Setyembre 2012 sa San Benito, California, isang hiker ang naghahanap ng kapayapaan sa kalikasan ngunit sa halip ay nakatagpo ng isang bangungot na hinding-hindi niya malilimutan habang naglalakad siya malapit sa Cannon Road nang mapansin niya ang isang bagay na kulay brown sa kabilang bahagi ng kalsada na inakala niyang isang manikin lamang ngunit nang kanyang lapitan ay haloshimatayin siya sa takot nang mapagtanto niyang ito ay katawan ng isang tao na putol-putol at walang buhay kaya mabilis siyang tumawag sa mga awtoridad na agad namang rumesponde at sinarado ang lugar upang magsagawa ng imbestigasyon kung saan maging ang mga beteranong detektib ay halos masuka sa brutal na sinapit ng biktima na tila hayop na kinatay at itinapon na lamang sa gilid ng daan.

Ang biktima ay nakilala kalaunan bilang si Norife “Janie” Herrera Jones isang 29-anyos na Pilipina na tubong Leyte na puno ng pangarap at determinasyon na makaahon sa hirap kaya nagtrabaho muna sa Singapore bago nakipagsapalaran sa Amerika kung saan nakilala at pinakasalan niya ang isang lalaking mas matanda sa kanya ng halos apat na dekada na si Lawrence Jones isang respetadong propesor sa Naval Postgraduate School sa Monterey California na inakala ng marami na magbibigay sa kanya ng maginhawang buhay at katuparan ng kanyang “American Dream” ngunit sa likod ng marangyang bahay at maayos na pamumuhay ay may nakakubling lamat sa kanilang pagsasama na nag-ugat sa malaking agwat ng kanilang edad at pagkakaiba sa kanilang mga gusto sa buhay lalo na pagdating sa pagkakaroon ng anak na tinanggihan ng kanyang asawa dahil sa katandaan nito.

Sa paglipas ng panahon ay nagdesisyon si Norife na makipaghiwalay at mag-file ng divorce noong 2012 dahil naramdaman niyang marami pa siyang gustong marating sa buhay habang ang kanyang asawa ay pa-retiro na ngunit ang desisyong ito ay hindi naging madali dahil nagbanta umano si Lawrence na wawakasan ang sariling buhay kung itutuloy ng Pilipina ang hiwalayan subalit naging desidido si Norife at nagpatuloy sa proseso ng divorce habang nakatira pa rin sila sa iisang bubong na naging mitsa ng isang trahedya dahil nang ma-finalize ang divorce noong Agosto 31 ay napag-alaman ni Lawrence na malaking bahagi ng kanyang kayamanan at ari-arian ay mapupunta sa kanyang asawa dahil wala silang pinirmahang prenuptial agreement.

Ang galit ng propesor ay sumabog nang komprontahin niya si Norife at tinawag itong “gold digger” na ginamit lamang siya para sa pera at sa tindi ng kanyang poot ay pinalo niya ang asawa hanggang sa mawalan ito ng malay at hindi pa nakuntento ay kumuha siya ng shotgun at tinapos ang buhay ng walang kalaban-laban na Pilipina bago niya isinagawa ang karumal-dumal na paghiwa-hiwalay sa katawan nito gamit ang lagari at palakol sa loob mismo ng kanilang tahanan upang maitago ang krimen at hindi makilala ang biktima ay sinadya niyang hindi isama ang mga kamay nito sa pagtatapon ngunit naging matalino ang mga imbestigador dahil natukoy nila ang pagkakakilanlan ni Norife sa pamamagitan ng serial number ng silicone implant sa kanyang dibdib at dental records.

Sinubukan pa ni Lawrence na tumakas at magtago sa pamamagitan ng pagpaplano na pumunta sa Brazil ngunit naunahan siya ng mga awtoridad at nahuli bago pa man siya makalipad palabas ng bansa kung saan sa paglilitis ay pilit na iginiit ng kanyang kampo na may sakit siya sa pag-iisip upang makaiwas sa pananagutan ngunit kalaunan ay inamin din niya ang kanyang kasalanan at nag-plead guilty sa kasong first-degree murder na nagresulta sa kanyang pagkakakulong ng limang dekada habang ang pamilya ni Norife sa Pilipinas ay naiwan na lamang na nagluluksa at nanghihinayang sa buhay ng isang masipag at mapagmahal na anak na ang tanging hangad lang ay magandang kinabukasan ngunit naging biktima ng kasakiman at karahasan ng taong pinagkatiwalaan at minahal niya.